Fastogn

Týsdagin 25. mars 2025 kl. 13.00 verður í Føroya rætti, rættarsali 1, C. Pløyensgøta 1, 100  Tórshavn, hildin tvingsilssøla yvir ognina matr. nr. 97, Søldarfjørður, ið liggur Niðri á Sandi 1, 660  Søldarfjørður (AS 2-9/2024).

Talan er um eini sethús í trimum hæddum. Grundøkið er sambært tingbókini 326 m2. Ongar upplýsingar eru um stødd av húsunum.

Húsini eru í høvuðsheitum innrættað soleiðis:

Í miðhæddini er ein gongd, ein lítil køkur, wc v/brúsu, ein stova og eitt lítið kamar. Trappur eru frá gongini niður í kjallaran, sum er óinnrættaður, tó er eitt lítið rúm, sum møguliga kann brúkast sum kamar, og eisini er ein garaga. 

Á loftinum eru tvey sovikømur og eitt baðiverilsi. Stovan og garagan blivu uppíbygd einaferð seinast í 60'unum ella fyrst í 70'unum, og annars eru húsini rættiliga gomul. 

Innrætningurin er eitt sindur gamal og treingir til modernisering. Ognin treingir til viðlíkahald.

Byggiár er ókent.

Grundin er stoypt, og klædningurin er úr timbri.

Hitaskipan: Oljufýring og ketil.

Til húsini er egin innkoyring og parkeringspláss.

Áhugað mugu sjálvi kanna stødd og viðurskifti annars í samband við ognina og standin av ognini.

Við einum tvingsilssøluboði uppá kr. 400.000 skal sambært pkt. 7 í tvingsilssøluuppstillingini stillast trygd, stór kr. 152.816,00.

Skeytishavari sambært tingbók: Jákup Pauli Kristiansen.

Tvingsilssølan er umbiðin av búnum eftir Annu Helenu Joensen v/Biritu Sandberg Samuelsen, advokati, Jekaragøta 10, 100  Tórshavn, tlf. 660500, birita@sokn.fo, j. nr. 13120, sum kann geva nærri upplýsingar um ognina.

Tvingsilssølu uppgerð kann umbiðjast hjá omanfyri nevnda advokati ella hyggjast ígjøgnum í Føroya rætti.