Fastogn

Við hesum verður matr. 47 Kollafjørður, á Kjalnesi 5, 410 Kollafjørður, lýst til sølu.

Talan er um sethúsaogn við hjalli/úthúsi. Húsini eru í trimum hæddum: Kjallari, miðhædd og loft.

Kjallarin er óinnrættaður. Har stendur oljutangi og møguleiki er fyri vaskimaskinu og turkitrumlu. Í miðhæddini er durur, gongd, køkur, stova og eitt kamar.

Øll miðhæddin í húsunum varð rivin niður í 2020, og er síðani bygd uppaftur av nýggjum. Harvið eru undirsløg, innveggir, útveggir og gólvið í miðhæddini nýtt. Meginparturin av vindeygunum vórðu skifti í 2015, eisini nýggj úthurð, samstundis sum nýggjur køkur varð settur upp. Spildurnýggj vindeygu frá 2023 standa klár at seta í vindeyguni í stovuni, og eri hesi við í søluni.

Á loftshæddini eru tvey kømur, gongd og eitt vesi. Tað eina kamarið og gongdin eru í gerð. Hitt kamarið er nýgjørt.

Harafturat er alt el og allar kontaktir í húsinum nýlagdur av elektrikara.

Húsini hava frítt og vakurt útsýni útyvir fjørðin og landslagið, og stendur sólargangurin á ognina allan dagin. Húsini liggja náttúruvakurt fyri í Kollafirði í einum friðarligum umhvørvi út til bygdavegin. Tað er samstundis eitt hanagleiv út á landsvegi, so tilber at koyra skjótt til Havnar ella norðureftir, um tørvur er á tí. Hjallur og garður liggja frammanfyri húsini.

Bæði skúli og barnagarður liggja nærhendis, og hóska húsini seg tessvegna eisini væl til barnafamiljuna. Gólvvídd á húsunum íalt 146m2.

 Húsaskoðan er viðheft.

Viðmerkjast skal at prísuppskotið ikki er bindandi, bert vegleiðandi.

Áhugað kunnu venda sær til sigrid@sokn.fo ella á tlf. 660500.