Fastogn

Boð komið á kr. 2.300.000,00

Gevið gætur:
Boðið er galdandi í tveir dagar eftir, at seljandi búgvið hevur havt høvi til at taka støðu til boðið, tó ikki longri enn fýra vikur frá 30.08.2023. Hetta merkir, at hóast fýra vikur ikki eru gingnar, so kann boðið verða góðtikið ella vrakað í tíðarbilinum á fýra vikur og tískil kann tað vera ov seint at bjóða, um ein ætlar at bjóða beint áðrenn fýra vikur eru farnar.

Við hesum verður ognin matr.nr. 68a, Kollafjørður – á Todnesi 23 og 26, Kollafjørður, lýst til sølu, um hóskandi boð fæst.

Talan er um sethús sunnanfyri bygdavegin og tvey úthús norðanfyri bygdavegin. Grundøkið við sethúsunum er 396 m2. Grundøkið við úthúsunum er ikki víddarroknað.

Sethúsini eru frá 2003, sum liggja væl fyri í friðarligum og barnavinarligum umhvørvi, við góðum útsýni. Sethúsini eru uml. 223 m2 í trimum hæddum – kjallari miðhædd og loft. Allar hæddirnar eru innrættaðar. Oman frá húsunum er ein stór garasja.

Húsini eru nærri innrættað soleiðis:

Miðhædd:

Durur/gongd við trappu upp til loftshædd, baðirúm, køkur við trappu niður til kjallarahædd og stova.

Loftshædd:

Gongd og 2 kømur.

Kjallarahædd:

Gongd, fýrrúm, toilet, 2 kømur og vaskirúm.

Omanfyri bygdavegin á sama matr.nr. eru tvey úthús. Hesi eru lagaði upp og summa staðni er grótið rapað niður.

Húsini verða seld vegna deyðsbúgv og fyriliggur húsaskoðan í sambandi við søluna. Húsaskoðanin kann heintast á leinkjuni niðanfyri "Tak niður støðulýsing".

Tilskilaður verður rættur til at vraka og velja millum innkomin boð, herundir at vraka øll.

Vegleiðandi mettur kontantprísur: kr. 2.000.000,00.

Minsta yvirboð kr. 50.000,-.

Um bjóðast skal, verður hetta boðskjal at fylla út og senda okkum aftur saman við váttan um fígging - Boðskjal.pdf

Áhugað kunnu venda sær til:

Sigrid Midjord, skrivara á tlf.nr. 203040 ella á teldupost sm@lawfirm.fo